EMRI| Arrestohet në Peru 33-vjeçari shqiptar, pjesë e bandës kriminale të kokainës

Një 33-vjeçar shqiptar, i identifikuar si Oltjan Belulaj, është arrestuar nga policia e Perusë për llogari të drejtësisë franceze.

I riu shqiptar ishte shpallur në kërkim nga autoritetet në Francë, për trafik të lëndëve narkotike, si pjesë e një bande kriminale të organizuar.

33-vjeçari u ndalua në një aeroport të Perusë, pasi organet e sigurisë kishin marrë informacion të sigurt se ai do të mbërrinte me një fluturim nga Brazili.

Shqiptari pritet t’u dorëzohet autoriteteve franceze ku do të gjykohet në lidhje me akuzat e ngritura ndaj tij.

Ai akuzohet për trafik të paligjshëm droge si pjesë e një grupi të strukturuar kriminaldhe rrezikon dënim deri në 10 vite burg.

LEXONI GJITHASHTU:

• Arrestohen në “shtëpinë e barit” shqiptarët në Angli: Kishim borxhe për të shlyer
• Kokainë me nëndetëse nga Panamaja, 29 të arrestuar në Itali. Gabimi i bosit shqiptar