Një plagosje me thikë ka ndodhur këtë të hënë rreth orës 17:40 në lagjen nr. 4 të Sarandës.
Sipas informacioneve paraprake një grua 51-vjeçare ka mbetur e plagosur pasi është goditur me thikë nga burri i saj 55-vjeçari Adriatik Bodini.
Gruaja është identifikuar si Miranda Bodini ndërsa është transportuar menjëherë në spitalin e Sarandës, ku mësohet se po merr ndihmën e parë dhe ndodhet jashtë rrezikut për jetën.
Ngjarja ka ndodhur brenda në banesën e tyre ndërsa nuk dihen shkaqet. Autori i dyshuar Adriatik Bodini, 55 vjeç është larguar nga banesa ndërsa është shpallur në kërkim dhe vijon puna për kapjen e tij. Përveç efektivëve në terren autoritetet policore po përdorin dhe një dron.
Njoftimi i policisë
Rreth orës 17:40, në banesën e tyre, në lagjen nr. 4 të Sarandës, dyshohet se shtetasi A. B., 55 vjeç, ka plagosur me mjet prerës (thikë) bashkëshorten e tij, shtetasen M. B., 51 vjeçe. Ajo është transportuar menjëherë në spital dhe ndodhet jashtë rrezikut për jetën. Shërbimet e Komisariatit të Policisë Sarandë po vijojnë kërkimet në zonë për kapjen e autorit. Për këtë qëllim, po përdoret edhe droni, ndërkohë që grupi hetimor po punon për zbardhjen e plotë të ngjarjes”, thuhet në njoftimin e policisë.
LEXONI GJITHASHTU:
- Plagosi me thikë bashkëmoshatarin, pse Gjykata e Sarandës liroi 17-vjeçarin
- Sinjale pozitive për sezonin e ri turistik në Sarandë: Rriten kërkesat për rezervime
