EMRI| I akuzuar për kultivim kanabisi, ekstradohet nga Mali i Zi 31-vjeçari shqiptar

Një 31-vjeçar shqiptar i akuzuar për kultivimin e mijëra bimëve narkotike në disa fshatra të qarkut Lezhë, është arrestuar në Mal të Zi për llogari të policisë shqiptare.

Policia tha se u kap në Mal të Zi dhe u ekstradua në Shqipëri shtetasi shqiptar, i shpallur në kërkim ndërkombëtar Magiljan Deda, 31 vjeç, i lindur në Lezhë.

Në muajin prill të këtij viti, Gjykata e Lezhës i ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

Shtetasi M. D. akuzohet se ka kultivuar, në bashkëpunim me shtetasit e identifikuar gjatë operacionit policor të koduar “Vakumi”, mijëra bimë narkotike në fshatrat Gocaj dhe Rraboshtë, Lezhë, të cilat janë përpunuar më pas me qëllim shitjen.

Shitja e lëndës narkotike u parandalua si rezultat i ndërhyrjes së shërbimeve të Policisë së Lezhës, në kuadër të operacionit “Vakumi”, të cilat sekuestruan në fshatin Balldre, në muajin prill të këtij viti, 3 thasë me rreth 34 kg cannabis.

LEXONI GJITHASHTU:

• Të dyshuar se shisnin kokainë dhe kanabis në qytet, 10 të arrestuar në Gjirokastër
• EMRI/ Shiste doza kanabisi në Korçë, në pranga 34-vjeçari me të shkuar kriminale