EMRI| I vuri flakën për herë të dytë lokalit të Noizy-t, arrestohet kushëriri i tij

Policia e Durrësit ka arrestuar në flagrancë një 26-vjeçar teksa po i vinte zjarrin për herë të dytë lokalit në pronësi të këngëtarit Noizy, në zonën e “Currilave”.

Në pranga u vu 26-vjeçari Eraldo Musteqja, i afërm i këngëtarit, pasi i kishte vënë zjarrin për herë rë dytë lokalit në pronësi të shtetasit Bashkim Rajku, babai i Noizy-t.

Policia bëri me dije se nga hetimet dyshohet se i njëjti shtetas i ka vënë zjarrin të njëjtit lokal, më datë 11.06.2023, si dhe derës së banesës së nënës së pronarit të këtij lokali, më datë 10.06.2023.

Në momentin e arrestimit, 26-vjeçarit iu gjet dhe iu sekuestrua një mjet prerës (thikë).

Vijon puna hetimore për dokumentimin e plotë ligjor të rrethanave të këtyre rasteve.

LEXONI GJITHASHTU:

• VIDEO| Pamje kur lokali i babait të Noizy-t në Durrës u përfshi nga flakët
• Vjen reagimi zyrtar pas zjarrit në lokalin e babait të Noizy-t, zbulohet shkaku