EMRI| Kush është 39-vjeçari që u arrestua nga SPAK për blerje votash

Një person në Kavajë është arrestuar me urdhër të SPAK nën akuzën e korrupsionit aktiv në zgjedhje.

Klodian Kapidani, 39 vjeç me banim në Kavajë, sipas SPAK, në datën 14 maj, kur u zhvilluan zgjedhjet e përgjithshme vendore për zgjedhjen e organeve të qeverisjes vendore, iu ka premtuar dhe iu ka ofruar personave të tjerë shuma monetare me qëllim për të marrë pjesë në votime, për të siguruar pjesëmarrjen edhe të personave të tjerë në votime, si dhe për të përcaktuar mënyrën e votimit.

I arrestuari me urdhër të SPAK, sipas burimeve jozyrtare, ka ofruar para për kandidatin e koalicionit “Bashkë fitojmë” Fisnik Qosja që u shpall edhe fitues.

GJKKO ka caktuar masën e sigurimit “arrest në burg” ndaj 39-vjeçarit, i dyshuar për kryerjen e veprës penale “Korrupsioni aktiv në zgjedhje”.

LEXONI GJITHASHTU:

• Blerje votash në Kavajë, lëshohet urdhër arresti nga SPAK  
• U arrestua për shitblerje votash, del fotoja e Fredi Belerit në sallën e gjyqit