EMRI| Organizonin lojëra të paligjshme fati, arrestohen dy persona në Lushnjë

Policia e Lushnjës ka goditur një rast të zhvillimit të paligjshëm të lojërave të fatit. Në pranga kanë përfunduar shtetasit Erion Malaj, 36- vjeç, i cili ishte pronari i lokalit që ishte përshtatur për zhvillimin e lojërave të fatit, si dhe shtetasi Denis Vishkulli, 34 vjeç, i cili organizonte lojërat e fatit në lokalin në fjalë.

Policia sekuestroi 3 celularë dhe 15 televizorë që përdoreshin për organizimin e kësaj veprimtarie.

Materialet procedurale i kaluan Prokurorisë, për veprime të mëtejshme.

“Shërbimet e Komisariatit të Policisë Lushnjë, nga kontrollet e vazhdueshme në ambiente të ndryshme, të kryera në kuadër të megaoperacionit “Sundimi i Ligjit”, me qëllim goditjen e rasteve të organizimit të kundërligjshëm të lojërave të fatit, kanë konstatuar në lagjen “Xhevdet Nepravishta”, Lushnjë, një lokal ku organizoheshin lojëra fati.

Për këtë rast u arrestua shtetasi Erion Malaj, 36- vjeç, banues në Lushnjë pasi në lokalin e tij u konstatuan 15 televizorë të cilët shërbenin për aktivitetin e jashtëligjshëm të lojrave të fatit.

Gjithashtu u arrestuan shtetasit Arjol Mehilli, 36 vjeç, banues në Lushnjë, Denis Vishkulli, 34 vjeç, banues në fshatin Kosovë e Madhe, Lushnjë, pasi u konstatuan në lokalin e shtetasit Erion Malaj, duke organizuar lojra fati nëpërmjet celularit”, thuhet në njoftimin e policisë.

LEXONI GJITHASHTU:

• Përshtatën lokalin për lojëra fati, arrestohet 34-vjeçari, procedohet 1 tjetër
• Po kujdesej për kanabisin e fshehur mes arës me misër, droni “fundos” 67-vjeçarin