EMRI| Shfaq shqetësime në ambientet e burgut në Tiranë, ndërron jetë 31-vjeçari

Artan Luan Zyliftari, i datëlindjes 17.04.1992, lindur dhe banues në Skrapar, ka ndërruar jetë në QSUT pasditen e kësaj të shtune, pas shfaqjes së shqetësimeve shëndetësore në ambientet e burgut Jordan Misja në kryeytet.

Drejtoria e Përgjithshme e Burgjeve, njofton se i riu ndërroi jetë si pasojë e një arresti kardiak.

Ndaj shtetasit  Artan Luan Zyliftari ishte marrë masa e sigurisë “Arrest me burg” nga Gjykata e Posaçme të Shkallës së Parë për Korrupsionin dhe Krimin e Organizuar.

Ai rezultonte i dyshuar për veprat penale të kultivimit të bimëve narkotike.

NJOFTIMI I DREJTORISË SË BURGJEVE

Me datë 28.10.2023, rreth orës 15.12 punonjësi i sigurisë në detyrë, njoftohet nga të paraburgosurit e dhomës për shqetësimet shëndetësore të shtetasit Zyliftari. Në mënyrë të menjëhershme është paraqitur stafi shëndetësor në detyrë dhe kanë bërë përpjekje për ti dhënë ndihmën e parë në ambjentet e infermierisë.

Në orën orën 15.28 pacienti është shoqëruar për në QSUT, Pavioni Kardiologji. Megjithë ndërhyrjen e stafit të specializuar në QSUT, në orën 16.20, pacienti ka bërë exitus letalus (vdekje) nga arrest kardiak.

Pacienti gjatë qëndrimit në Institucionin e Ekzekutimit të Vendimeve Penale Jordan Misja, është kontrolluar rregullisht dhe gjithë vizitat mjekësore dhe terapitë janë administruar në kartelen shëndetësore nr.3350 të këtij pacienti. Pacienti është trajtuar për hipertension sipas protokolleve të miratuara dhe gjendja shëndetësore e tij ka qenë e qëndrueshme.

Drejtoria e IEVP Jordan Misja, ka kryer të gjitha procedurat ligjore të parashikuara, duke njoftuar strukturat e Policisë së Shtetit, të Prokurorisë dhe familjarët. Me këtë rast Drejtoria e Përgjithshme e Burgjeve i shpreh ngushëllimet familjareve të të ndierit.

LEXONI GJITHASHTU:

• Dhunoi arbitrin gjatë ndeshjes, arrestohet futbollisti i Shënkollit
• Kush e “sabotoi” punën në Qukës-Qafë Plloçë