EMRI| Tentoi të vriste babanë me sëpatë, RENEA arreston 35-vjeçarin në Shijak

Një 35-vjeçar është arrestuar nga forcat RENEA pasi ushtroi dhunë ndaj babait dhe e kërcënoi se do ta vriste me sëpatë.

Në pranga është vënë shtetasi Eduart Hoxha, banues në Rubjek, Shijak.

Policia bën me dije se gjatë ndërhyrjes për neutralizimin e 35-vjeçarit që ushtronte dhunë ndaj babait të tij, ai ka kundërshtuar me dhunë shërbimet e Policisë lokale dhe është mbyllur në banesë, bashkë me mjetet prerëse.

Ndodhur në këto kushte, në ndihmë të Policisë kanë shkuar Forcat e RENEA-s.

Pas disa orësh negociata, Forcat RENEA kanë ndërhyrë me forcë në banesë, duke bërë të mundur neutralizimin dhe vënien në pranga të shtetasit Eduart Hoxha, 35 vjeç, banues në Rubjek.

LEXONI GJITHASHTU:

• Tentoi të vidhte në një lokal, arrestohet 40-vjeçari në Tiranë! Çfarë gjeti Policia
• Shfrytëzoi për dy vite të miturën për prostitucion, arrestohet 42-vjeçari në Tiranë