“Erdgys Arrazi nuk u lejua në varrimin e 2 fëmijëve” – Sqaron gazetari nga Shkodra…

Erdgys Arrazi nuk u lejua të merrte pjesë në ceremoninë mortore të dy fëmijëve të tij të mitur, vajzës 7 vjeçe dhe djalit 3 vjeç, e zhvilluar mesditën e djeshme në Shkodër.

Gazetari Teodor Gjerga raportoi nga Shkodra se 31-vjeçari kishte bërë një kërkesë në Prokurori që të ishte i pranishëm në ceremoninë mortore, siç ndodhi me vajzën 9-vjeçare disa ditë më parë, kërkesë që është pranuar, por ruajtja e tij nuk është marrë përsipër nga Drejtoria e Burgjeve.

“Dje është kryer ceremonia mortore e dy fëmijëve të mitur. Babai nuk u lejua të merrte pjesë ndonëse kishte pasur leje nga prokurori i çështjes, por nuk u mor përsipër nga drejtoria e burgjeve për të siguruar jetën e tij gjatë ceremonisë pasi mund të ishte i rrezikuar ndaj ceremonia u zhvillua nga të afërmit dhe miqtë e 31-vjeçarit. Para se të varroseshin, është kryer ekspertiza mjeko-ligjore në trupat e Alma Arrazit dhe fëmijëve ku paraprakisht nuk janë hasur shenja dhune”, tha gazetari.

Prej datës 5 maj, 31-vjeçari është vënë në pranga nën akuzën e shkaktimit të vetëvrasjes së bashkëshortes së tij Alma Arrazi dhe 3 fëmijëve të tyre, të cilët u gjetën të mbytur në lumin Buna.

LEXONI GJITHASHTU:

• Tragjedia në Shkodër, Erdgys Arrazi s’lejohet të marrë pjesë në varrimin e fëmijëve
• U mbytën në lumin Bunë, Alma Arrazi do të prehet në Durrës, fëmijët në Shkodër