Erdogan reagon pas bisedave me Kurtin dhe Vuçiç: Dialogu, mënyra e vetme për paqe

Presidenti i Turqisë, Recep Tayyip Erdogan, ka thënë se përparimi në dialog mes Kosovës dhe Serbisë, është mënyra e vetme për paqe afatgjatë dhe stabilitet në rajon.

Në një postim në Twitter, Presidenca turke ka thënë se ka biseduar me kryeministrin e Kosovës, Albin Kurti, dhe presidentin e Serbisë, Aleksandar Vuçiç, lidhur me zhvillimet në veri të Kosovës.

Sipas njoftimit, Erdogan ka theksuar se Turqia është e gatshme të kontribuojë në procesin e dialogut.

Turqia i bashkohet kështu reagimeve nga vendet e Perëndimit që bënë thirrje për kthim në dialogun e Brukselit dhe qetësim të situatës në tri komuna në veri të Kosovës, në Leposaviq, Zubin Potok dhe Zveçan.

Kurti i ka fajësuar për dhunën në veri ato që i ka quajtur “banda fashiste” të udhëhequra nga Qeveria e Serbisë.

Dhuna është dënuar nga NATO-ja dhe faktori ndërkombëtar, derisa Shtetet e Bashkuara i kanë kërkuar Qeverisë së Kosovës që të marrë hapa në uljen e tensioneve në veri.

President @RTErdogan spoke by phone with President Aleksandar Vučić of Serbia and Prime Minister Albin Kurti of Kosovo.

President Vučić of Serbia and Prime Minister Kurti of Kosovo congratulated President Erdoğan on his reelection.

During the calls where the bilateral relations…

— Presidency of the Republic of Türkiye (@trpresidency) May 31, 2023

LEXONI GJITHASHTU:

• Daniel Serwer: SHBA mbështesin 100% Vuçiç, duan që Kurti ti përkulet vullnetit tyre
• Federata Ndërkombëtare e Tenisit mbron Gjokoviçin: S’ndalohen deklaratat politike