Bushati propozim publik Ramës: 3 reformat që duhet të ndërmarrësh urgjentisht

Ish-deputeti i Partisë Socialiste Ervin Bushati tha në emisionin Now në Euronews Albania, se reforma në drejtësi është meritë e qeverisë Rama që do kohën e vet të japë frutet e duhura.

Bushati u shpreh se janë 3 reforma të tjera të rëndësishme, që sipas tij duhet të ndërmerren sa më shpejt nga qeveria Rama: reforma e financave publike, tregu kapital dhe vetingu në administratën e lartë.

“Duhet të ndërmerren 3 reforma të tjera të mëdha: një ajo e financave publike. Qytetarët kanë problemin e çmimeve, të inflacionit, nuk është e drejtë që TVSH e një kg mielli të jetë e njëjtë me atë të një makine, duhen ulur dhe duhen ngritur në disa vende që të kemi drejtësi sociale. E dyta s’kemi një treg kapital funksional, dhe e treta me shtetin dhe administratën. A duhet këta të administratës së lartë të kalojnë një lloj vetingu siç po ndodh me drejtësinë. Nuk mund të presim drejtësinë hyjnore nga drejtësia”, tha Bushati.

LEXONI GJITHASHTU:

• Andi Bushati: Si e hodhi Rama poshtë Elvis Roshin
• Dosjet e nxehta, Ferhati “zbërthen” hetimet e SPAK: Ja çfarë do ndodhë në shkurt