Ervin Resuli: 600-800 mijë lekë paguhet një veteriner në Shqipëri

President i Urdhrit të Mjekut Veterinar, Ervin Resuli tha për “Good Morning Albanians”, se një nga arsyet se përse veterinerët po zgjedhin të largohen nga Shqipëria, është edhe pagesa.

Sipas tij në Shqipëri një veteriner me eksperiencë dhe vite pune paguhet maksimumi 80 mijë lekë të reja në muaj.

“Nëse do të marrim administratën shtetërore ne flasim për një bazë 60 mijë lekë të rinj, maksimumi shkon 75 mijë lekë, 80 mijë lekë. Ky është maksimumi dhe minimumi i pagesave në shtet, në bazë të eksperiencës dhe të viteve të punës.

Në sektorin privat mund të shkojë më shumë 90 mijë lekë të rinj, ose 100 mijë lekë në muaj. Faktori kryesor që ikin janë arsyet ekonomike,  faktori tjetër është se ti je 24 orë në shërbim të problemeve të kafshëve”,-tha Ervin Resuli.