Erzen Breçani tregon si e nxori agresorin e Berishës nga turma: Donin ta godisnin

Erzen Breçani, ish-zyrtar policie tregoi në emisionin Now në Euronews Albania se si kishte mundur të shpëtonte nga turma Gert Shehun agresorin e Sali Berishës pak momente pas sulmit.

Breçani u shpreh se turma i ishte bindur dhe ja kishte besuar agresorin atij, që ta dorëzonte në polici.

Ai tregoi se vetë Berisha kishte ndërhyrë që i riu të mos goditej më, ndërsa rrëfeu se gjatë kalimit në trotuar për tek selia e PD i ishte dashur ta mbronte me trup 31-vjeçarin nga goditjet.

“Isha 10-15 metra larg doktorit nën shoqërinë e 2 ish-oficerëve të policë, kur dëgjova që u godit. Afrohem dhe shoh që po godisnin. M’u bindën dhe ndaluan përdorimin e forcës për ta neutralizuar dhe ma besuan. E kisha të pamundur ta fusja në turmë, ndaj vazhdova rrugën në trotuar për në selinë e PD. Kam vazhduar rrugë në trotuar, janë afrua shumë njerëz për ta goditur por nuk i kam lejuar. Ishte fat për të që unë isha aty. Goditjet që mori në kokë në trotuar mund të ishin fatale për të. Duhet të dilja te Rruga e Elbasanit për t’ia dorëzuar policisë në një kohë që nuk ishte i prangosur. Kanë qenë me mua edhe oficeri i gardës dhe truproja i doktori”, tregoi Breçani.

LEXONI GJITHASHTU:

• “Ishte i pambrojtur”, ish-truproja e Nanos tregon ku gabuan njerëzit e Berishës
• “PD dhe Berisha s’e kanë betejën me Gert Shehun”, Lela: 31-vjeçari ishte mashë