“Është koha që Shqipëria të përdorë euron”,-Selami Xhepa: Pozitive për ekonominë

Profesori i ekonomisë, Selami Xhepa tha se ka ardhur koha që Shqipëria të fillojë të përdorë monedhën euro.

I ftuar në Euronews Albania ai tha se përdorimi i euros është rritur ndjeshëm në Shqipëri kohët e fundit, sipas tij duke qenë se vendi jonë është në proces integrimi është vetëm çështje kohe që Shqipëria të zëvendësojë monedhën zyrtare me euro.

“Në gjykimin tim unë mendoj se ka ardhur koha për të kaluar drejt euros si monedhë zyrtare. nëse do kalonim drejt Euros si  monedhë zyrtare nuk do e bënim dot më këtë diskutim, sepse kursi i këmbimit të euros do vendosej nga faktorë të tjerë.

Meqenëse ne jemi në proces të integrimit europian është edhe adoptimi i kësaj monedhe. Çështja nuk është nëse Shqipëria do e zëvendësojë monedhën apo jo, çështja është se kur. Meqenëse ne kemi lëvizje  shumë të forta  se  tregu jonë është shumë i vogël, atëherë një anë kalimi do ishte edhe një tranzicion i shpejtë drejt kësaj monedhe”,-tha Selami Xhepa.

LEXONI GJITHASHTU:

• “Mos e prek Hasan Prishtinën”, Mehmet Prishtina apel drejtuesve të universitetit
• Greqia drejt zgjedhjeve të përgjithshme, Mitsotakis dhe Tsipras nisin fushatën