Është mesditë në Kiev, çfarë duhet të dini deri tani

• Të paktën katër ndërtesa në zonat e banuara në Kiev u goditën nga sulme të martën në orët e para të mëngjesit, duke vrarë dy persona. Në qytetin e rrethuar të Mariupolit, më shumë se 2500 civilë kanë vdekur, vlerësojnë zyrtarët ukrainas, dhe ata që kanë mbetur nuk kanë energji elektrike, ujë apo ngrohje.
• Ndërkohë, presidenti ukrainas Volodymyr Zelensky ka bërë sërish thirrje për vendet e tjera që t’i vijnë në ndihmë Ukrainës përpara takimeve me kryeministrat polakë, sllovenë dhe çekë, të cilët po veprojnë si përfaqësues të Bashkimit Evropian.
• Një shtetrrethim 35-orësh do të vendoset në Kiev nga mbrëmja e së martës deri në mëngjesin e së enjtes. Imazhet satelitore tregojnë se pothuajse çdo shtëpi në anën veriperëndimore të fshatit Moschun, pranë Kievit, ka pësuar dëme të konsiderueshme.
• Kryeministri polak Mateusz Morawiecki, Janez Jansa i Sllovenisë dhe Petr Fiala i Republikës Çeke po shkojnë në Kiev nga Polonia për të takuar Zelenskyn.
• Rreth 350 mijë njerëz janë ende të bllokuar në Mariupol, qyteti në Ukrainën juglindore që është rrethuar nga trupat ruse që nga 1 marsi, tha një zyrtar lokal. Ai shtoi se shumica e njerëzve jetonin në “kushte çnjerëzore”, duke shkrirë borën dhe duke çmontuar sistemin e ngrohjes për të marrë ujë të pijshëm.
• Mbretëria e Bashkuar dhe BE kanë njoftuar sanksione të reja kundër Rusisë. Më shumë se 600 shtetas rusë janë në shënjestër të sanksioneve të BE-së, sipas ministrit francez të financave Bruno Le Maire, i cili e quajti atë një “vendim historik”. Sanksionet e Mbretërisë së Bashkuar përfshijnë ndalimin e eksportit të mallrave luksoze në Rusi dhe tarifat për mallrat me vlerë më shumë se 1 miliard dollarë.
• Një sulm në Ukrainën veriperëndimore të hënën vrau të paktën 19 persona, thanë zyrtarët të martën, pasi fillimisht nuk raportuan për viktima. Sulmi goditi një kullë televizive pranë qytetit të Rivne dhe zyrtarët thanë se zona ishte ende duke u pastruar.
• Liderët e NATO-s mund të takohen personalisht në Bruksel javën e ardhshme.

LEXONI GJITHASHTU:

• Gazetarja ruse rrezikon burg për protestën kundër luftës në Ukrainë