Et’hem Ruka: Politikanët e rinj janë klone të liderëve të vjetër

Ish-ministri i Arsimit, Et’hem Ruka në një intervistë për Euronews Albania tha se politika sot ka nevojë për të rinj të talentuar dhe idealistë që të mos imitojnë politikën e vjetër.

Ruka u shpreh se një pjesë e të rinjve që janë futur në politikë janë bërë klone të liderëve të vjetër, gjë që sipas tij nuk i sjell asnjë të mirë vendit.

“Ka plot të rinj që duan të merren me politike, por do të doja që ata të mos nisen nga botëkuptimi që një karrige të bën të pasur, por ta zhvillojnë këtë vend dhe të lënë diçka pas. Ka plot të rinj, por një pjesë e tyre për fat të keq që janë bërë klone të udhëheqësve të vjetër, gjë që mua absolutisht nuk më pëlqen… Në politikë s’do më pëlqente klonimi, por debati, mendimi ndryshe. Uniformiteti dhe të qenët në sinkron të gjithë në politikë çon në vdekjen e demokracisë”, tha Ruka.

LEXONI GJITHASHTU:

• Mandati i Yuri Kim, nga reforma në drejtësi tek përplasjet me politikanët
• Roland Bejko: Gjuha e politikanëve shumë e rëndë, kulmoi me dhunë fizike