Eulex ‘’rrëmben’’ komandant Remin/ Çfarë ndodhi me ish-luftëtarin e UÇK

Mbrëmjen e djeshme është shoqëruar në zyrën e EULEX, Rrustem Mustafa i njohur si komandant Remi. Pas rreth një ore ai është lënë i lirë ndërkohë që i është sekuestruar telefoni.

Në një postim që ka bërë në rrjetet sociale ai ka bërë të ditur se hetuesit e Gjykatës të Kosovës janë paraqitur pranë shtëpisë së tij rreth orës 20:00.

“Rreth orës 20:00 para shtëpisë time më janë prezantuar hetuesit e Gjykatës Speciale të Kosovës me një urdhër nga prokuroria e Gjykatës Speciale për kontroll të telefonit. Gojarisht më shpjeguan se duhet të bëjmë një bisedë zyrtare në zyre të Eulexit.

Personeli nga Gjykata Speciale janë sjellur me respekt. Në zyre të Eulexit më është sekuestruar  telefoni im dhe posa është bërë kjo kontroll pa asnjë interesim shtesë nga ana e tyre, ka përfunduar biseda dhe tani gjendem në shtëpi”- shkruan ai.

Rrustem Mustafa në muajin korrik ka dëshmuar në Hagë në gjyqin ndaj Thaçit dhe të tjerëve.

LEXONI GJITHASHTU: 

• Gazetari Myrta: Enca Haxhia 5 vazot me kanabis nuk i ka mbjellë vetë
• Escobar: Dorëheqja e kryetarëve në Veri, do ishte rruga më e shpejtë dhe më e lehtë