Euro2024, gazetari i Deutsche Velle: Uroj për një finale Shqipëri-Gjermani

Gazetari i Deutsche Velle Bahri Cani, i cili prej shumë vitesh jeton dhe punon në Gjermani tha në emisionin Review në Euronews Albania kampionati evropian është një eveniment shumë i rëndësishëm për Gjermaninë jo vetëm në rrafshin futbollistik.

Ai shprehu dëshirën për një finale Shqipëri-Gjermani, ku siç tha nuk do kishte dyshime se për kë do të bënte tifo.

“Si gjerman dhe si shqiptar, i kam të dyja fanellat. Kam shprehur dëshirën time që Shqipëria dhe Gjermania të ndeshen në finale, për mua nuk do të ishte e vështirë se këtë të kuqen e kam në zemër. Për Gjermaninë është një eveniment shumë i rëndësishëm edhe për shkaqe ekonomike dhe politike. Këto ngjarje ndikojnë edhe në shoqëri. Kurrë nuk kemi pasur një kampionat kaq të barabartë se sot askush nuk e di kush do të fitojë”, tha ai.