Euronews Albania siguron fotot e mjetit që shpërtheu sapo Ndreca u fut në makinë

Euronews Albania ka siguruar foton e mjetit tip ‘Audi’ të kreut të Rithemelimit në Vaun e Dejës, Benard Ndreca, i cili ka shpërthyer nga një sasi tritoli të vënë në pjesën e përparme.

Policia bën me dije se ngjarja ka ndodhur në orën 7:10 të mëngjesit, ku shpëthimi ka ndodhur pikërisht në momentin që Ndreca ka hipur në automjet.

Nga shpërthimi, Ndreca nuk ka pësuar dëmtime por janë shkaktuar vetëm dëme të pjesshme materiale.

Grupi hetimor, në drejtimin e Prokurorisë, vijon veprimet intensive në vendngjarje me qëllim zbardhjen e rrethanave të ngjarjes, identifikimin dhe kapjen e autorit.

LEXONI GJITHASHTU: 

• Tritol makinës së kreut të ‘Rithemelimit’ në Vaun e Dejës, Bernard Ndreca
• SHBA-ja e shpall gazetarin e WSJ-së si “të arrestuar gabimisht” në Rusi