Eurostat: Shqiptarët të fundit për blerje online

Tregu i blerjeve online sa vjen e rritet në cdo vend të botës. Por mesa duket nuk ndodh kështu edhe në Shqipëri.

Të dhënat e fundit të Eurostat, që i referohen vitit 2021 tregojnë se vetëm 21% e shqiptarëve që kanë përdorur internetin 12 muajt e fundit kanë bërë blerje online për periudhën përkatëse, shumë më e ulët sesa mesatarja europiane prej 74%.

Nga rajoni më mirë renditet Serbia, me 52.9%, e ndjekur nga Kosova, që i ka të dhënat për vitin 2020, me 47.7%, Maqedonia e Veriut me 46.3%, Bosnjë Hercegovina, me 39%, ndërsa Mali i Zi është i parafundit përpara Shqipërisë, me 31.8%.

Sipas Eurostat, blerjet online vazhdojnë të rriten në BE, siç tregojnë të dhënat nga anketa e fundit vjetore mbi përdorimin e teknologjisë së informacionit (TIK) në familje dhe nga individë.

LEXONI GJITHASHTU:

• Shiste online euro të falsifikuara, e ‘pëson keq’ i riu në Tiranë
• Myrta: Nuk ka doktor burgu, ka probleme më emergjente se blerjet online