Eurovision anulon votimin për pjesëmarrjen e Izraelit

Unioni Evropian i Transmetimeve, EBU, ka shtyrë për në dhjetor votimin e planifikuar në nëntor mbi pjesëmarrjen e Izraelit në Eurovision pas armëpushimit Izrael-Hamas.

EUB, njoftoi të hënën në mbrëmje se po anulonte takimin i planifikuar për në nëntor, të cilin e thirri për t’i dhënë fund thirrjeve nga disa vende që “kërcënonin” të bojkotonin nëse mbështetej hyrja e Izraelit.

Austria, e cila do të jetë organizatore e konkursit të vitit 2026 pas fitores së saj vitin e kaluar, e ka vlerësuar shtyrjen e zgjedhjeve. Transmetuesi i saj zyrtar ORF tha se ky veprim “ndihmoi në ruajtjen e unitetit dhe besueshmërisë së konkursit”.

Nuk është caktuar një datë specifike për një vendim përfundimtar, por raportohet se diskutimet do të rifillojnë sapo të bëhet e qartë nëse armëpushimi do të respektohet.

Që nga sulmet e 7 tetorit të vitit 2023, Izraeli ka garuar në dy konkurse muzikore të Eurovisionit. Në vitin 2014, mijëra njerëz u mblodhën në Suedi në shenjë proteste kundër pjesëmarrjes së Izraelit, ndërsa në Bazel këtë vit, protestuesit u përpoqën të futeshin në skenë për të ndërprerë performancën e këngëtarit izraelit, Yuval Raphael.

Edicioni i 70-vjetorit të Eurovisionit do të zhvillohet në Vjenë, Austri. Finalja do të zhvillohet më 16 maj pas gjysmëfinaleve më 12 dhe 14 maj 2026.

LEXONI GJITHASHTU:

• Polemikat rreth Izraelit, Austria në dilemë për organizimin e Eurovizionit
• Kërkohet audit për votat e Izraelit në Eurovizion, dyshime për manipulime