Ezaurohen 84% e shtretërve te Sanatoriumi, mjeku: Situata nga gripi, normale

Shërbimi i pneumologjisë në spitalin universitar “Shefqet Ndroqi” është drejt ezaurimit të shtretërve, e kjo jo si vetëm pasojë e gripit, por e shumë sëmundjeve.

Mjeku pneumolog, Arben Tanka gjatë një interviste për Euronews Albania thotë, se rastet e komplikuara si pasojë e gripit kanë ardhur në rritje, por janë normale për stinën.

“Aktualisht në urgjencat tona paraqiten 40-45 raste në ditë, por jo të gjitha kanë lidhje me gripin sepse kemi dhe patologji të tjera, kemi një  kapacitet prej 120 shtretërish si pneumologji dhe nga këta 100 shtretër janë të zënë, ndërkohë për sa u përket shtrimeve ditore ato variojnë nga 10 deri në 12 në ditë por shtrime nga komplikacione që jep gripi kemi 3 ose 4 shtrime”, thotë mjeku.

Edhe në Sanatorim pacientët me grip janë atë që dominojnë.

“Kryesisht tamponët që ne kemi çuar në ISHP të pacientëve e shtruar me temperaturë ato kanë dalë influencë, nëse gjykojmë pastaj për tamponët që kryejmë në urgjencë për COVID nga 40-45 raste mund të dalë 1 ose 2 pozitiv”, shprehet  ai.

Javët e fundit në rritje ka ardhur edhe numri i pacientëve të shtruar në spitalin infektiv në Qendrës Spitalore “Nënë Tereza”. Që prej nisjes së qarkullimit të viruseve të gripit, e deri më tani mbetet e konfirmuar vetëm një humbje jete .

LEXONI GJITHASHTU:

• Kujdes nga gripi/ Çomo: Shifrat po rriten. Ramosaço: Ngrihen 31 urgjenca në vend
• Fluks në pediatri nga gripi, 10% e fëmijëve nga urgjenca shtrohen në spital