“Familja, dhuratë nga Perëndia” Shpërthen pastori: Poshtërsi fëmija të lindë pa baba

Parlamenti i Kosovës është përfshirë së fundmi në një debat në lidhje me të drejtën për të qenë nënë pa pasur nevojë për një bashkëshort apo partner.

Nënkryetarja e Kuvendit të Kosovës Saranda Bogujevci, mbështetëse e nismës, replikoi me deputetin e VV-së, Eman Rrahmani, i cili e kundërshtoi një ligj të tillë nën argumentat se po cënohej familja.

I ftuar në emisionin Goodmornings Albanians, pastori Paulin vijaleti tha se është poshtërsi që një fëmijë të lind me vetëm një prind. Sipas tij familja është dhuratë nga Perëndia, që i është dhënë një gruaje dhe një burri dhe ndaj ata që nuk duan ta krijojnë, nuk duhet të kenë as fëmijë.

“Ne jemi njerëz dhe gjithsecili nga ne ka ardhur në botë dhe është si rezultat i një familjeje, i një babai dhe një nëne. Sigurisht që ka familje që dhe për shkaqe të caktuara dështojnë. Por është poshtërsi të lindë një fëmijë me vetëm një prind. Poshtërsi është për një arsye se familja është dhuratë nga Perëndia, ia ka dhuruar këtë të drejtë një burri dhe një gruaje. Ka dhe njerëz që nuk e kanë dhunti të martohen, nëse kjo grua nuk e pranon këtë dhuratë, nuk është faji i një fëmije dhe për mua është poshtërsi”, tha pastori.

LEXONI GJITHASHTU:

• Gjinekologu: Jemi vendi i parë në Europë që abortojmë vajzat, ky është krim
• Deklaratë e fortë nga Linda Pano: Fëmija pa baba nënkupton se ka lindur pa dashuri!
• Pastori: Gruaja shqiptare vdiq duke provuar 15 herë për t’u bërë nënë “in vitro”