“Familjarët s’u lejuan të shohin kufomën”, avokati dyshime për vdekjen e Lear Kurtit

Avokati Arbër Hoxha, tha se duhet një hetim gjithëpërfshirës për vdekjen e 32-vjeçarit Lear Kurti, i cili ndërroi jetë në komisariatin nr.3 mbrëmjen e 19 nëntorit.

Në një intervistë për Euronews Albania, Hoxha theksoi se në rastin e Kurtit nuk janë kryer të gjitha procedurat, duke thënë se problem mbetet fakti që nuk janë lejuar familjarët dhe punonjësit e policisë të shohin trupin e viktimës.

“Ajo që është problematike është vdekja e një personi në komisariat. Në rastin konkret, nëse një shtetas vdes në komisariat, duhet të bëhet një hetim gjithëpërfshirës dhe nuk duhet të ndalemi vetëm te shkaku i vdekjes.

Kqyrja e kufomës nuk është bërë nga 5 punonjës policie, si dhe një familjar apo një person i besuar. Ky është problemi kryesor që familjarët nuk janë lejuar. Problematika e dytë që duhet ngritur është shkaku i vdekjes”- tha ai.

LEXONI GJITHASHTU: 

• Ekskluzive| Flet nëna e Lear Kurtit: Kur pashë kufomën ishte komplet i masakruar
• Ekskluzive/ Itinerari i Lear Kurtit, nga shoqërimi në polici tek humbja e jetës