Pilotët luftarakë të Ukrainës janë shumë më të shumtë se rusët dhe janë bërë legjendarë, pjesërisht falë historisë së “fantazmës së Kievit”.

Thuhet se ky hero ka rrëzuar deri në 40 avionë rusë, një arritje e pabesueshme kur merr parasysh bombardimet ruse.

Tashmë, Komanda e Forcave Ajrore të Ukrainës ka paralajmëruar në faqen zyrtare në Facebook se “fantazma e Kievit” është një legjendë, personazh i cili është krijuar nga ukrainasit dhe nuk ekziston në të vërtetë.

Në njoftim kërkohet që njerëzit të verifikojnë informacionet para se t’i përhapin.

Raportet e mëparshme tregonin se Stepan Tarabalka, 29 vjeç ishte përgjegjës për luftën e suksesshme ajrore. Autoritetet thanë se Tarabalka kishte vdekur më 13 mars dhe u nderua me një medalje Hero i Ukrainës pas vdekjes.

Forcat ajrore theksojnë se ky person nuk ka goditur 40 avionë dhe as nuk është “fantazma e Kievit”.

Ai përshkruan “Fantazmën e Kievit” si “një imazh kolektiv të pilotëve të brigadës së 40-të të aviacionit taktik të Forcave Ajrore, të cilët mbrojnë qiellin mbi kryeqytetin”, në vend të rekordit luftarak të një njeriu të vetëm.

LEXONI GJITHASHTU:

• Çfarë ka ndodhur në 24 orët e fundit në Ukrainë
• Zelenski u kërkon ushtarëve rusë të tërhiqen nga lufta në Ukrainë