Farruku nuk ndalet, shënon golin e 7-të dhe i jep barazimin Burrelit

Burreli ka regjistruar një tjetër rezultat pozitiv në Kategorinë e Parë e ishte shumë pranë fitores ndaj një kundërshtari si Besa.

Në shtëpinë e tyre e kanë traditë të mos dorëzohen, teksa e njëjta gjë ndodhi dhe ndaj kavajasve, një përballje e mbyllur 1-1 me golin e të përhershmit Florenc Farruku.

23-vjeçari është një lider absolut për skuadrën e udhëhequr nga Ditmar Bicaj, e cila ka ndrshuar 100% nën drejtimin e ish-mbrojtësit.

Vendësit ishin shumë pranë marrjes së 3 pikëve, pasi pjesën e parë e mbyllën në avantazhin 1-0 me golin e sulmuesit Farruku, por festa e tyre u prish nga Nurja që solli barazimin në fraksionin e dytë.

31 pikë në vendin e katërt është një arritje e jashtëzakonshme e Burrelit, që këtë vit ka goditur me skuadrën e ndërtuar.

Kur flasim për sukses, krahas teknikut Bicaj është dhe futbollisti Farruku që numëron 7 gola në kampionat dhe 1 në kupë. Ndër të tjera 23-vjeçari ka asistuar në 3 momente për shokët e skuadrës.

Padiskutim mund të konsiderohet si zbulim i këtij edicioni, duke u renditur mes emrave të sulmit si Ruzgis, Maksuti, Mazrekaj apo Oshafi. Kujtojmë se golin e parë këtë sezon ia shënoi Flamurtarit të Vlorës, ekip pretendent për ngjitjen në elitë.

Performanca tejet pozitive e tij, por sidomos mosha janë arsye që japin garanci se do të jetë një ndër emrat më të përfolur në merkaton e ardhshme të transferimeve.

LEXONI GJITHASHTU:

• Juventus apo Roma? Ylli Edon Zhegrova zbulon të ardhmen në “Max Sport”
• “Me miell misri nuk bëhet bukë gruri”- Alliu: Shkëmbi dështoi dy herë para Tiranës