Fatime Kryemadhi, nëna e deputetes Monika Kryemadhi u paraqit këtë të hënë para Prokurorisë së Posaçme Kundër Korrupsionit dhe Krimit të Organizuar (SPAK).

Në një prononcim të shkurtër për mediat, zonja Kryemadhi e ka quajtur të paarsyeshme hetimin për shtëpinë e saj, duke shprehur se është 80 vjeçe dhe ka të drejtë të zotërojë pronën e saj. Ajo tha se gjatë seancës nuk ka dhënë ndonjë deklaratë të detajuar para prokurorëve.

“Çfarë shpjegimesh mund të jap? E kam shtëpinë time. Jam 80 vjeçe dhe nuk kam asnjë pengesë që të kem pronën time. Nuk e kuptoj se përse merren me një grua të moshuar, kur ka çështje më të rëndësishme në vend që kërkojnë hetim,“ ka deklaruar Fatmie Kryemadhi.

Ajo shtoi gjithashtu se; “Ata nuk merren me ata që shesin copat e shtetit, por merren me një plakë. Çfarë deklarate të jap kur më fusin nën hetim për shtëpinë time”, tha nëna e Monika Kryemadhit.

LEXONI GJITHASHTU:

• “Metën nuk e kam uruar”, Kryemadhi del nga SPAK: Nuk do flas më para prokurorëve
• Në të njetën ditë me Berishën, Monika Kryemadhi paraqitet në SPAK