Fëmijët denoncojnë, 90 ankesa për cenim të drejtash te Avokati i Popullit

Nejla Peka, komisionere për Mbrojtjen dhe Promovimin e të Drejtave të Fëmijëve në institucionin e Avokatit te Popullit, tha në studion e “Now” se ky institucion ka shkuar vetë te fëmijët në mënyrë që këta të fundit të mund të shprehin problematikat e tyre.

“Kemi shkuar t’u dëgjojmë zërin dhe të mbledhim ankesa drejtpërdrejt nga fëmijët”, u shpreh znj. Peka.

Nejla Peka tha se institucioni i Avokatit të Popullit, brenda dy viteve ka administruar rreth 90 ankesa për çështje të ndryshme që kanë cenuar të drejtat e fëmijëve të cilat janë bërë nga vetë ata.

Edhe mungesa e psikologëve nëpër shkolla, është një problematikë e nxjerrë në pah nga vetë fëmijët, sipas znj. Peka.

LEXONI GJITHASHTU:

• Regjistri për abuzuesit seksualë mund të shmangë përsëritjen e historisë, thotë deputetja e LSI
• Juristja Gjikondi: Dhuna brenda familjes haset kryesisht në zonat rurale