“Fëmijët mbi 1 muajsh flenë jashtë deri në -15 gradë”-shqiptari në Finlandë

Nestor Furrxhi, mësuesi i cili jeton në Finlandë tha se atje është zakon që fëmijët e vegjël, që sapo kalojnë muajin e parë të jetës së tyre, nxirren në temperatura të ulëta deri në -15 gradë celsius për të bërë gjumin e drekës.

Në një lidhje direkte për “Good Morning Albanians”, ai tha se kjo metodë mendohet të jetë shumë e shëndetshme dhe se gjumi në ambient të hapur, është shumë më cilësor.

“Po fëmijët i nxjerrim jashtë kur kalon muaj i parë, i nxjerrim jashtë me karrocë për të fjetur gjumë 1-2 orë. Këtu në Finlandë  besojnë se mund të flesh në ajër të pastër dhe b ën gjumë më cilësor se sa në ambientet e brendshme.

Fëmija është i kufizuar te karroca e tij, është veshur mirë. Vetëm fytyrën dhe hundën ka jashtë dhe të marrë ajër të pastër. Të dy fëmijët e mi kanë fjetur gjatë 2-3 viteve të para nga 2-3 orë jashtë por deri në -15 gradë celsius”,-tha Nestor Furrxhi.

LEXONI GJITHASHTU:

• Si do jenë temperaturat natën e ndërrimit të viteve, parashikimi i motit
• Temperatura të larta deri në 17 gradë celsius, parashikimi i motit për fundjavën