Fermeri nga Fieri: Është kënaqësi të rrisësh gjela deti, por na pëlqen dhe leku

Me afrimin e festave të fundvitit, tregu i gjelave të detit shfaqet si një mundësi e mirë fitimi për fermerët e rretheve. Në Good Morning Albanians, një fermer nga Fieri tregoi për përvojën e tij në mbarështimin e gjelave të detit, në një treg që duket se konkurohet shumë edhe nga tregjet e shteteve përreth.

Ai tha se është kënaqësia që të bën të merresh me rritjen e gjelave, por nënvizoi se një nga arsyet kryesore është dhe fitimi.

“Është edhe kënaqësi në rradhë të parë, është kënaqësi edhe kur këndojnë. E dyta, edhe leku, sepse ushqehemi me to”-tha ai.

Ai tregoi se këtë traditë e ka ndjekur që në moshë të vogël, si trashëgimi nga babai dhe nëna.

Qytetarët vënë shpesh në diskutim edhe pjesën e çmimeve. Pulat e detit shiten 12 mijë lekë për kg, kurse gjelat më pak. Zakonisht gjelat e detit që fermeri nga Fieri tregton kapin peshën 9 deri ne 10 kg, ku sipas çimit të tregut arrijnë vlerën 10 mijë ose 12 mijë lekë të reja.

LEXONI GJITHASHTU:

• “Gjeli kushton 9 mijë lekë”- Pensionistët në Vlorë të pakënaqur me shpërblimin
• 1400 lekë/kg gjeli i detit, fermerët: Kanë nisur rezervimet, shumica janë prenotuar