Fermeri nga Lushnja: Do e derdh qumështin ose ia jap viçave, nuk e shes kaq lirë

Sot fermerët do jenë përsëri në protestë për çmimin e qumështit dhe për problemet që ata po hasin për ta shitur. Protesta do të organizohet në orën 12:00 në rrethrrotullimin e Savrës në Lushnjë.

Dashamir Çela, fermer nga Lushnja tha se në shenjë proteste do ta derdhë qumështit që prodhon ose do ja japë viçave pasi nuk ka ndërmend ta shesë kaq lirë.

Ai kërkoi që shteti të ndërhyjë me politikat e tij për të subvencionuar fermerët duke i krahasuar me rajoni.

“Privati duhet të menaxhojë pjesën tonë së pari pastaj të shkojë të marrë qumësht në Hungari me 40 lekë më shtrenjtë andej, kurse shteti duhet të ndërhyjë me politikat e tij që të na subvencionojë, të na krahasojë më rajonin. Nëse nuk kemi një bashkëpunim të ulemi të kemi një marrëveshje, unë besoj se situata do përshkallëzohet më tej. Qumështi i mëngjesit hidhet poshtë ose i jepet viçave se fabrikat nuk pranojnë ta marrin më këtë çmim. Ne jemi blegtorët e fundit që kemi mbetur, mund të jenë 50 ferma të mëdha në gjithë Shqipërinë dhe ne kërkojnë të na shtypin”, tha ai.