Fermeri nga Vlora: Vjen qumështi nga Bullgaria dhe Hungaria, nuk po shesim tonin

Sot fermerët do jenë përsëri në protestë për çmimin e qumështit dhe për problemet që ata po hasin për ta shitur. Protesta do të organizohet në orën 12:00 në rrethrrotullimin e Savrës në Lushnjë.

Klajdi Myzeqari, fermer nga Vlora tha në emisionin GoodMorning Albanians në Euronews Albania se qumështi po vjen nga vende të tjera si Bullgaria dhe Hungaria duke penalizuar prodhimin vendas që po mbetet pa shitur.

“Ka më shumë se një javë që sektori i prodhimi të qumështit është futur në një ngërç sa i përket çmimit të qumështit. Fatkeqësisht është importi që dikton çmimin në tregun shqiptar, pasi nuk kemi një bursë, ndërkohë që kostot e prodhimit të qumështit në Shqipëri ndryshojnë nga vende të rajonit. Vende të tjera mund të dalin me kosto më të lira në prodhimin e qumështit, si Hungaria që ka kapacitet të lartë të prodhimit me kosto më të ulët për shkak edhe të klimës dhe mbështetjes së vazhdueshme të fermerëve me kompensim me 10 lekë për litër. Ne kompensohemi vetëm për numër krerësh dhe naftën”, tha ai.

LEXONI GJITHASHTU:

• Fermerët derdhin qumështin, nuk po shitet! Sot sërish protestë në Lushnjë
• Ulet çmimi i qumështit, blegtorët: Po sjellin produktet nga jashtë