Gratë dhe vajzat e fshatit të njohur turistik të Boboshticës vazhdojnë të ruajnë festën e Rosicës, festë e cila ka nisur më shumë 2000 vite më parë, me ringjalljen e Jezu Krishtit.

Prej asaj kohe sipas Vera Gjergos kjo festë kremtohet në fshatrat e Boboshticës, Drenovës dhe Polenës.

“Është një festë që bëhet 3 javë pas ringjalljes të Krishtit, quhet Rosicat, nëna Shën Meri nga gëzimi ditën e 20 mblodhi shoqet, gatoi gjëra të ëmbla dhe të nesërmen bëri festë të madhe. Ne këtë e mbajmë brez pas brezi”, tha Vera Gjergo.

Pjesë e festës janë edhe gatimet tradicionale, kryesisht gatime të ëmbla.

“Dalim nëpër fshat, derë më derë, këndojmë, ftojmë të na japin mall, miell, sheqer, vezë, gjalpë, vaj, mblidhemi të gjitha dhe gatuajmë. Me pare gatuaj në shtëpi tani u bënë lokalet, vijmë me lokale. Bëjmë bukuvale, edhe petulla. E të tjera sipas qejfit”, tha ajo më tej.

Kjo traditë tek gratë boboshtare është përcjellë brez pas brezi.

“Unë jam e re dhe vazhdoj të ndjek traditën e mamave tona. Ma ka lene amant, ta ndjekësh çupë për çdo gjë. Ua transmetoj e të tjerëve. Shumë, po mungojnë, nuk janë. Kanë ikur të gjitha”, tha Donika Banbulli.

Pjesë e kësaj feste janë bërë jo vetëm gratë e vajzat që jetojnë në këtë fshat por edhe ato të cilat janë larguar në qytete të ndryshme të Shqipërisë si dhe të tjera që jetojnë në emigracion dhe që nuk I kanë harruar rrënjët e tyre.

LEXONI GJITHASHTU:

• “Kozarja në festë”, panairi i produkteve blegtorale dhe bujqësore bashkon fermerët
• Festivali “Watch Through” bën bashkë në Shkup intelektualë, historianë e aktivistë