Carlos Alcaraz ka shkruar historinë, duke regjistruar një ndër fitoret më spektakolare në historinë e tenisit, e në fund ngriti lart trofeun në French Open. Spanjolli dueloi në finale me Jannik Sinner, në një duel me dy tablo, ku italiani ishte shumë pranë triumfit. Për plot 5 orë e 29 minuta të dy tenistët luajtën përballë njëri-tjetrit, duke regjistruar kështu finalen më të gjatë të French Open të mbajtur ndonjëherë.

Italiani fitoi dy setet e para 6-4 dhe 7-6, e kur i mjaftonte vetëm një tjetër set i fituar, Alcaraz nuk u dorëzua duke arritur një përmbysje të çmendur. Spanjolli fitoi në setin e 3-të në shifrat 4-6 dhe më pas 6-7 duke rikthyer barazpeshën e përgjithshme. Seti i pestë që ishte dhe vendimtari rezultoi spektakolar e u mbyll në shifrat 6-7 në favor të talentit iberik që hipotekoi triumfin pas një performance mbresëlënëse.

Ky ishte titulli i dytë French Open i fituar nga Alcaraz që në total numëron 5 tituj të Grand Slam.