Financimi rus në PD, Spiropali: Auditi qesharak. Berisha: Do hetojmë gjithçka

Dyshimet për financimin rus të Partisë Demokratike kanë qenë pjesë e debatit në parlament mes qeverisë dhe opozitës.

Ministrja e Shtetit për Marrëdheniet me Parlamentin, Elisa Spiropali e konisderoi qesharak auditin e ngritur nga Sali Berisha për të hetuar këtë cështje.

“Ku e keni sot Lulin, ku është Luli. Ku e keni auditin tuaj, sot keni ngritur audit sa për të qeshur, për të gjetur rublat në xhepat e Lulit dhe në xhepat e tjerë të bashkëpunëtorëve të lulit. Kjo është qesharake, kjo nuk ju shkon juve që pretendoni të jeni një burrë shteti që ka qenë e do vijë sërish”, tha ajo.

Në të njejtën linjë, ishte edhe deputeti Pandeli Majko, i cili tha se nëpërmjet një partie, Shqipërisë i është prekur siguria kombëtare.

“Përpara se të merreni me patronazhistët e Partisë Socialiste, është mirë të merreni edhe me patronazhistët e San Peterburgut. Kjo është një temë e cila nuk mund të kalojë në Parlament si një çështje e dorës së dytë, një papërgjegjshmëri apo handikap e një ish-drejtuesi të PD”, theksoi Majko.

Akuzave të socialistëve, iu përgjigj vetë kryetari i Partisë Demokratike. Berisha tha se dosjen e hetimit ndaj Lulzim Bashës e mbylli kryeministri Rama.

“Në mënyrë absolute, kurrë PD nuk ka marrë një qindarkë dhe nuk mund të marrë kurrë nga një vend të cilin ajo e ka pozicionuar si një armik të çështjes kombëtare shqiptare. Për këtë është ngritur një komision i cili do bëj hetim gjithcka”, nënvizoi kryedemokrati.

Disa javë më parë, mediat amerikane publikuan një lajm se Rusia ka financuar në 2017 PartinëDemokratike me rreth 500 mijë euro.

LEXONI GJITHASHTU

• ‘Negociatat me Alibeajn të hapura’, Berisha: Presim çdo sugjerim
• Draft për territorialen, Berisha fton grupin tjetër në PD që të shkrijnë propozimet
• ‘Koalicioni PD-PL s’funksionon’, Hoxha: Berisha të tërhiqet, Meta në pozitë komode