English

Firmoset marrëveshja e bashkëpunimit për transformimin e Piramidës

KOMENTE

SHPERNDAJE
ARTIKULLIN

Text sizeAa Aa

Piramida në qendër të Tiranës pritet të transformohet shumë shpejt në një qendër për inovacionin dixhital për të rinjtë e moshës nga 12-14 vjeç.

- Advertisement -

Vodafone Albania, Fondacioni Shqiptaro-Amerikan për Zhvillim (AADF) dhe Bashkia Tiranë, nënshkruan një Marrëveshje Mirëkuptimi, si hap të parë të bashkëpunimit, për transformin e piramidës.

Drejtoresha e Përgjithshme për Vodafone Europe, znj. Serpil Timuray u shpreh se përmes këtij projekti po mbështetet gjenerata e re e inovatorëve.

“Shoqëria dixhitale do të kërkojë aftësi dhe profesione që nuk i kemi njohur më parë. Vodafone nuk ofron vetëm teknologjinë që mundëson realizimin e shoqërisë dixhitale, por po kontribuon edhe në rritjen dhe qëndrueshmërinë e saj duke mbështetur gjeneratën e re të inovatorëve”, – tha znj. Serpil Timuray.

AADF i ka dorëzuar Bashkisë së Tiranës projektin arkitektonik dhe inxhinierik të Piramidës dhe modelin e biznesit, me qëllim që funksionimi i saj të jetë i qëndrueshëm financiarisht. Risia që AADF sjell është qendra TUMO Tirana, e cila do të pajisë fëmijët me dijet dhe aftësitë e shek. 21 në fushën e edukimit dixhital duke përfshirë programim, robotikë, produksion filmi, krijim website-i, muzikë, shkrim, modelim 3D, programim, etj., duke orientuar fëmijët si të mësojnë dhe të përdorin teknologjinë në nivele bashkëkohore.

“Asnjë projekt i madh nuk merr jetë pa kiminë e duhur dhe besoj se hap pas hapi ne po krijojmë ekipin tonë, që ta shndërrojmë Piramidën e Tiranës në qendrën kryesore të teknologjisë informatike dhe dixhitale në rajon, që do të ketë dhe një pamje spektakolare, nën përkujdesjen e MVRDV”, – tha nënkryetari i bashkisë, Arbjan Mazniku.

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?