Arabia Saudite besfasoi ditën e djeshme, pasi përmbysi ndeshjen ndaj Argjentinës, duke fituar me rezultatin 1-2.
Ajo çfarë tërhoqi vëmendjen gjatë kësaj ndeshjeje, ishte se lojtari arab, Ali Al-Bulayhi iu drejtua Lionel Messit, pas shënimit të golit të dytë.
Ai e preku në shpinë argjentinasin për të tërhequr vëmendjen e tij dhe më pas i tregoi stemën që kishte në fanellë në shenjë sfide, shkruan The Sun.
Më pas ai i tha diçka lojtarit argjentinas, me Lautaro Martinez dhe Papu Gomez të cilët vrapuan t’i ndanin.
Vetë Al-Bulayhi ka zbuluar pas sfidës se çfarë i kishte thënë ai Messit në ato çaste. “Ti nuk do të fitosh, ti nuk do të fitosh”, ishin fjalët që ai shpjegoi para mediave.
Messi shënoi golin e parë dhe të vetëm të Argjentinës, pas gjuajtjes së penalltisë, por kjo nuk mjaftoi për argjentinasit.
LEXONI GJITHASHTU