Fizioterapisti: 50-60% e fëmijëve kanë devijime të shpinës

Fizioterapisti Kleton Kadillari këshilloi që përveç fizkulturës të shtohen edhe ushtrime të posaçme nëpër shkolla sa i takon rregullimit të posturës.

Në një intervistë për “Good morning Albanians” në Euronews Albania, Kadillari tha se 50-60% e fëmijëve kanë devijime të shpinës.

Ai krahasoi periudhën e para 7 apo 8 viteve, kur fëmijët me devijime të shpinës përbënin 7-8%.

“E gjitha kjo nuk besoj se ka ardhur vetëm prej çantës,” – sqaroi Kadillari.

Fizioterapisti ka folur dhe më herët për Euronews Albania sa i takon rëndesës së çantës së shkollës, dhe nga aty këshilloi që të kontrollohet fiziku i fëmijës çdo 6 muaj ose 1 vit.

Në fillim çdo devijim nuk është i dukshëm, por pak më pas dallohet lartësia e shpatullave e parë nga mbrapa kur ka probleme.

LEXONI GJITHASHTU:

• 50% e fëmijëve me asimetri, fizioterapisti: Dallohet te shpatullat parë nga mbrapa
• Sa peshon një çantë shkolle? Këshillat e fizioterapistit