“Fjalët e fundit të Kadri Roshit. Ka ndërruar jetë në shtëpinë tonë”-rrëfehet mbesa

Emisioni “Profil” këtë javë solli një dokumentar për jetën dhe karrierën e artistit te madh Kadri Roshi në 100 vjetorin e lindjes së tij. Gazetarja Greta Topjana ka intervistuar familjarë, miq dhe bashkëpunëtorë të tij që e kujtojnë jo vetëm si kolosin e kinematografisë dhe skenës por edhe si njeriun e zemrës.

Për herë të parë mbesa e Kadri Roshit foli për marrëdhënien e saj me gjyshin. Ajo mes shumë emocionesh tregoi për marrëdhënien e ngushtë që ka pasur me gjyshin e saj që në fëmijëri.

Xheni tregoi që gjyshi i saj, Kadri Roshi e ka shoqëruar atë në çdo hap dhe është rritur me dashurinë ë tij, ai e çonte në shkollë, i ka mësuar orën për herë te parë, që e shpetonte nga prinderit sa herë i bërtisnin dhe për të ai ishte gjyshi më i mirë në botë! Po ashtu Xheni na tregoi se ajo ngjan shume me gjyshin dhe se ajo ishte mbesa e preferuar dhe ai e kishte debulesë, nuk lejonte askënd t’i bërtiste asaj.

Në rrëfimin e saj për “Profil” Xheni tregoi edhe për momentet e fundit të Kadri Roshit, të cilat i kaloi në shtëpinë e saj duke na rrëfyer edhe cilat ishin fjalët e tij të fundit:

“Unë iki i ngopur, kam marrë çdo gjë nga kjo jetë, kam marrë shumë dashuri!” me këto fjalë janë ndarë familjarët e Kadri Roshit nga ai… Por edhe pse Kadri Roshi është ndarë nga jeta, e mbesa na tregon që për të gjyshi i saj është kudo me veprën që ka lënë pas dhe me njerëzit që e kujtojnë”.

LEXONI GJITHASHTU:

• Amaneti i Kadri Roshit! Përlotet nusja: Mos na harroni na tha…
• 100 vitet e Kadri Roshit!