Fjalimet në dritare, avokati “zbulon” veprimin që mund të çonte Berishën në burg

Avokati Redi Ramaj është shprehur se është e vështirë që të ketë ashpërsim mase për burgosjen e ish-kryeministrit Sali Berisha.

Komentet Ramaj i bëri në emisionin “Now me Erla Mëhillin” në Euronews Albania, ku tha se vetëm nëse Berisha do të dilte ilegalisht nga banesa mund të vendosej për arrestimin e tij.

Ai tha gjithashtu se ndalimi i komunikimit i vendosur ndaj Berishës, është përtej përcaktimeve të kodit të procedurës penale.

“Nuk kishte mundësi një i pandehur tjetër të mos merrte dijeni për masën ‘detyrim paraqitje’ dhe masa që vendoset arrest në shtëpi me ndalim komunikimi, mendoj që është përtej përcaktimeve të nënit 237 të kodit të procedurës penale.

Komunikimi është një gjë shumë e vështirë edhe për t’u ndaluar. Të gjithë mund të komunikojnë me publikun pa ndalim, përmes platformave online. Komunikimi nuk e cënon parimin e arrestit të shtëpisë.

Vetëm lëvizja e Berishës nga banesa e tij, do të jetë përcaktuese për ndryshimin e masës së sigurisë ndaj tij. Mendoj se do jetë i vështirë caktimi i masës së arrestit me burg për Berishën, duke parë rrethanat si po zhvillohet ngjarja, duke parë që fillimisht një masë të lehtë ‘detyrim paraqitje’”, tha Ramaj.

LEXONI GJITHASHTU:

• Berisha i izoluar në shtëpi, gazetarja: Kush po qëndron poshtë shtëpisë së tij
• Berisha komunikon nga dritarja, Balla: E papranueshme, do trajtohet si gjithë tjerët