Profesor, Shezai Rrokaj ishte këtë të premte i ftuar në “People” në Euronews Albania për të folur rreth fjalorit të ri të madh të gjuhës shqipe. Si zëvendës kryeredaktor i fjalorit, Rrokaj ka zbuluar disa nga detajet që ka vënë re ndërsa punonin për hartimin e fjalori të ri.
“Nga 140 fjalë që ishe në fjalorin e 80-ës, shkoi 3900 fjalë që fillojnë me shkronjën F. unë nga kjo vura re që ne gjuha jonë është shumë e pasur, ndërsa ne jemi shumë të varfër ndaj gjuhës sonë”,-tha Rrokaj.
I pyetur se cilat shkronja kanë krijuar më së shumti fjalë në gjuhën shqipe gjuhëtari u përgjigj:
“Janë karakteristike ato, P-ja, A-ja, M-ja. këto janë shkronjat që marin më shumë vend dhe ka më shumë fjalë në gjuhën shqipe prej tyre”,-tha ai.
Rrokaj tha gjithashtu se si u krijua fjalori i ri i madh i Gjuhës Shqipe
“Ne deri tani ishim mësuar të prodhonim fjalor të tipit të shtypur dhe më pak fjalor të digjitalizuar. Fillimisht ne e nisëm që të prodhonim një fjalor të shtypur. Më pas ideja e Akademisë së Shkencave por edhe e jona ndryshoi dhe ne thamë më mirë t’ua japim në dorë shqiptarëve”,-tha Rrokaj.
LEXONI GJITHASHTU:
- Shtëpitë botuese të bashkëpunojnë për Abetaren e përbashkët, thotë profesor Rrokaj
- Rrokaj: Gjuha Shqipe nuk ka qenë në rrezik as kur nuk kishim shtet
