Flamur Noka: Rama mban peng logon e PD-së, por do i fitojmë zgjedhjet vendore

Deputeti i Partisë Demokratike, Flamur Noka thotë se logoja e kësaj force politike po mbahet peng nga kryeministri Edi Rama, por se ai nuk mund të kontrollojë vullnetin e demokratëve dhe popullit opozitar.

Në një intervistë për “Euronews Albania”, Noka u shpreh se kandidatët e PD-së dhe opozitës do të kenë një fitore plebishitare në zgjedhjet vendore.

“Ajo që unë mund t’ju them me siguri, është që kandidatët që do dalin nga primaret, janë përfaqësuesit legjitim të demokratëve. Tashmë, çështje e logos dihet qartë, ajo mbahet peng nga Edi Rama. Por Edi Rama mund të mbajë peng nëpërmjet urdhrave të tij, logon, vulën ,por nuk mund të mbajë kurrë peng vullnetin e demokratëve dhe të popullit opozitar.

Atë se kontrollon dot. Zgjedhjet vendore do konfirmojnë qartësisht një fitore plebishitare të kandidatëve tanë. Ne nuk kemi ndëmend të kandidojmë të vetën, ne jemi të sigurt që do të kandidojmë me një koalicion shumë të madh’, theksoi ai.

LEXONI GJITHASHTU

• Noka: PD hap garën e brendshme, primaret risi në politikën shqiptare
• ‘Ke kompani ndërtimi’, Balliu-Xhafajt: Tërhiqem nga politika nëse rezulton e vërtetë
• Rreth 1 orë në SPAK, çfarë tha ish-ministri Genc Ruli për çështjen ‘Partizani’