Flet qytetari nga Himara: Beleri më premtoi 100 mijë lekë për votë, nuk pranova

Disa qytetarë të Himarës u shoqëruan nga policia në orët e para të mëngjesit të sotëm për të dhënë dëshminë e tyre pas arrestimit të kandidatit Bashkë fitojmë Fredi Beleri.

Duke folur për mediat pas daljes Drejtoria e Policisë Vlorë disa prej tyre deklaruan se janë kontaktuar nga njerëz të Fredi Belerit për të shitur votën.

“Jam nga Dhërmiu, policia erdhi në 12 të natës, na erdhi na ngriti nga krevati. S’na ka dhënë lekë, na ka  pyetur dhe nuk kam pranuar. Ata nga Himara, Bollano, Beleri, na tha do të japim lekë. Nuk dua lekë, i thashë. 100 mijë lekë për votë më tha. Isha unë nusja dhe mamaja. Ne nuk pranuam. Nuk kemi marrë lekë”, – tha një qytetar.

Fredi Beleri u arrestua një ditë më parë nën akuzën korrupsionit aktiv në zgjedhje, i kryer në bashkëpunim.

LEXONI GJITHASHTU:

• “U kap duke dhënë para për të blerë vota”, zbardhet urdhër-arresti për Fredi Belerin
• Dorëhiqet avokati i Fredi Belerit, pritet të dalë dëshmitar