FMN kundër amnistisë fiskale, eksperti i ekonomisë: Rrit buxhetin e shtetit

Fondi Monetar Ndërkombëtar ka bërë disa rekomandime për Shqipërinë, e cila po përpaballet me vështirësi për shkak të krizës globale të ndikuar nga lufta në Ukrainë.

Në një nga rekomandimet, FMN thekson se është kundër një amnistie fiskale, prej rreziqeve që lidhen me pastrimin e parave dhe administrimin tatimor.

Eksperti i ekonomisë Vjoldi Danaj, i ftuar në emisionin “Sot” në Euronews Albania tha se vetë ai është në favor të amnistisë fiskale nëse bëhet me rregulla strikte, pasi do të rrisë sasinë e të ardhurave në arkat e shtetit.

“Nëse amnistia do të bëhet brenda ligjeve strikte duke mos falur politikanë që kanë abuzuar me të ardhurat publike dhe duke krijuar një ambient konkurrues për bizneset, atëherë është e nevojshme. Të mos ketë falje të taksave”, tha Danaj.

Danaj tha se përtej ndryshimeve fiskale, në Shqipëri ka ardhur koha për ndryshime politike sa i përket qasjes ndaj ekonomisë.

LEXONI GJITHASHTU:

• FMN: Të futet në skemën e tatimit pasuria e pajustifikuar
• FMN: Shqipëria duhet të japë më shumë mbështetje për shtresat në nevojë