Ekonomia shqiptare do të rritet me 3.1% në vitin 2024. Me këtë parshikim, Fondi Monetar Ndërkombëtar, ka ulur pritshmëritë që kishte 6 muaj më herët, kur analizonte rritje 3.3%.

Në raport me rajonin, vendi ynë do të ketë rritje më të moderuar, duke u pozicionuar në vendin e katërt nga 6 shtetet që përfaqësojnë Ballkinin perëndimor.

Rritjen më të lartë pritet që ta ketë Kosova, me 3.8%, e pas saj Mali i Zi e Serbia me 3.7% dhe 3.5%, ndërsa listën e mbyllin Maqedonia e Veriut dhe Bosnje Hercegovina.

Sa i përket çmimeve, Fondi pret që inflacioni të ulet në 3.5% në mesataren vjetoren këtë viti, e më pas zbret ne 3% ne 2025-ën.

Ndërtimi, pasuritë e paluajtshme dhe administrata publike kanë qenë kontribuuesit më të mëdhenj të rritjes në 2023, ndërsa industria dhe bujqësia shënuan tendencë negative.

Ndonëse Shqipëria shënoi vitin më të mirë turistik në 2023, me më shumë se 10 milionë shtetas të huaj që hynë në vend, konsumi ishte mjaft i dobët.

LEXONI GJITHASHTU:

• Ulet borxhi pas 13 vitesh, FMN: Shqipëria e treta për rritjen e shpejtë të turizmit
• Qeveria dhe bashkitë rrisin borxhet ndaj qytetarëve dhe bizneseve