FNSH kontrolle në lagjen e rrezikshme në Shkodër

Forcat e FNSH-së kanë kryer kontrolle mëngjesin e sotëm në lagjen “Kiras”, në qytetin e Shkodrës.

Burime bëjnë me dije se ka dhe persona të ndaluar si të dyshuar për armëmbajtje pa leje.

Kjo zonë njihet si një nga lagjet me aktivitet të lartë kriminal dhe vrasje të pazbardhura ende.

Pak ditë më parë, një konflikt i çastit mes një personi dhe dy vëllezërve ka përfunduar në përdorimin e armëve, në qytetin e Shkodrës.

Ndërkohë një ngjarje e rëndë, që ka përfunduar me një viktimë, ka ndodhur në lagjen “Guerile’’ në zonën e Livadeve në Shkodër. 32-vjeçari Endri Mustafa u gjet i vrarë. Ibrahim Lici, që akuzohet për vrasjen e tij, deklaroi se jeton i lirë në Turqi dhe kamerat e sigurisë e vërtetojnë se nuk ka qenë në Shkodër momentin kur ka ndodhur ngjarja.

Në fillim të muajit, një megaoperacion nga policia e Shkodrës ka çuar në pranga 33 persona për veprimtari të ndryshme kriminale, kryesisht në fushën e narkotikëve dhe mbajtjen e armëve pa leje.

LEXONI GJITHASHTU:

• FNSH kontrolle të befasishme në Vlorë, arrestohen 2 persona
• FNSH aksion blic në Vlorë për eksponentë të krimit, në pranga 3 persona
• Forcat RENEA aksion blic në Shijak për kapjen e personave në kërkim