“Forcat Detare s’do kishin asnjë copë tokë”, Meçollari: Do i jepej e gjitha privatit

Ish-zëvendës komandati i Forcave Detare, Artur Meçollari tha se sipas VKM-së së hartuar e gjithë sipërfaqja e bazës detare të Limionit do të merrej me qira nga privati, ndërsa Forca Detare do të kishte në këtë pronë vetëm një bankinë.

“Sipas kësaj VKM-je e gjithë sipërfaqja, pra 40 mijë metër katror është dhënë e gjitha pa i dhënë asnjë metër katror Forcës Detare. Ministrija e Mbrojtjes ka thënë se do jepet e gjithë më qira dhe të ndërtohej një bankinë.

Pra ideja është këtu, ne do ia jepnim privatit dhe privati në atë tokë që na e kishte marrë ne me qira do na jepte një bankinë. Forcat Detare nuk do të kishin tokë, por vetëm një bankinë, që do na e jepte privati”, – tha për Euronews Albania Artur Meçollari.