Policia e Kosovës, ka publikuar me foto arsenalin e armëve që kanë gjetur gjatë kontrollit në disa lokacione e objekte banimi në Banjskë të Zveçanit ditën e djeshme.
Sipas asaj që raportojnë mediat kosovare, bëhet fjalë për gjetjen e dhjetëra, qindra armëve të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov etj.
Kosova sot është në ditë zie në nderim të policit Afrim Bunjaku i cili u vra të dielën e 24 shtatorit 2023 gjatë përleshjeve me një grup kriminal prej 30 personash të armatosur serbë në veri të Kosovës, në fshatin Banjskë të Zveçanit e banuar me shumicë serbe.
Gjatë përleshjeve u vranë tre sulmues ndërsa u arrestun 6 persona, që dyshohet se ishin në kontakt me grupin kriminal.
LEXONI GJITHASHTU:
- “Shqipëria bëhet” nuk sponsorizohet nga Soros- Sqaron Florjan Binaj
- Deputeti gjerman përplaset me Vuçiç: Vrasja e njerëzve është krim i tmerrshëm