FOTO| I përdhunoi për 9-vite të bijën, kush është 50-vjeçari që vrau kunatin

Euronews Albania ka siguruar identitetin dhe foton e viktimës në Greqi, i cili u vra nga kunati i tij.

Viktima është 33-vjeçari Erjon Pelivani me origjinë nga Poliçani, ndërkohë që autori është 50-vjeçari Fatmir Tarellari, po nga Poliçani.

Viktima dyshohet se ka përdhunuar prej vitesh vajzën e kunatit.

Babai i vajzës, i cili pasi u informua nga e bija për torturat që kishte pësuar, nuk e duroi dot dhe vendosi të ndërmerrte aktin ekstrem.

Sipas vajzës, e cila tashmë është 18 vjeç, 33-vjeçari dyshohet se e ka përdhunuar që në moshën 9-vjeçare, ndërsa së fundmi kishte arritur deri në pikën që ta shantazhonte se nëse nuk i jepte para, ai do të publikonte video dhe foto të përdhunimeve .

Pasi është vënë në dijeni nga e bija Fatmir Tarellari, ka rrëmbyer armën që e kishte me leje dhe ka shkuar përpara shtëpisë së kunatit të tij.

Kur ka shkuar në Agria, 50-vjeçari i ka kërkuar të shoqes që kunati ta ndihmojë me një defekt që i kishte ndodhur në makinë.

Me të mbërritur në vendngjarje, dy personat kanë debatuar, më pas 50-vjeçari e ka goditur me tytën e armës në fytyrë 33-vjeçarin dhe kur viktima ka tentuar t’i marrë armën, e ka qëlluar, duke e plagosur për vdekje.

Më pas 50-vjeçari ka telefonuar autoritetet dhe është vetëdorëzuar.

Familja e 50-vjeçarit përbëhet nga tre vajza nga martesa e tij e mëparshme dhe një djalë 9-vjeçar nga martesa e tij e dytë. Viktima rezulton të jetë vëllai i gruas së tij të dytë.

LEXONI GJITHASHTU:

• Shqiptari vret me çifte kunatin 33-vjeçar në Greqi, vetëdorëzohet pas krimit
• I përdhunoi vajzën, zbardhet motivi pse shqiptari në Greqi vrau kunatin