FOTO/ Ish-kryebashkiaku i Kavajës përfundon në dyert e SPAK

Ish-kryebashkiaku i Kavajës Elvis Roshi është paraqitur këtë të enjte në Prokurorinë e Posaçme Kundër Krimit dhe Korrupsionit.

Euroneës Albania ka mundur të sigurojë foton e momentit kur Roshi është duke hyrë në derën kryesore të organit të akuzës.

Roshi mësohet se ka patur një fletë-thirrje nga Byroja Kombëtare e Hetimit por ende nuk dihet se për cilën çështje ai ka shkuar në Prokurorinë e Posaçme.

Roshi ka mbajtur postin e kryebashkikaut të Kavajës, por u dorëhoq për shkak të ligjit të dekriminalizimit për një dënim që kishte pasur në Itali gjatë kohës që ishte minoren.

Mbi ish-kryebashkiakun pati sulme të shumta nga opozita për përfshirjen e tij në aktivitete të paligjshme gjatë kohë përpara se të garonte për bashkinë e Kavajës.

LEXO GJITHASHTU: 

• Gazetari zbulon telefonatat e Alda Klosit ditën e ngjarjes: Ra në përgjimet e SPAK
• “Do rri unë këtu”, zbardhet përgjimi i nënë e bir që vodhën mijëra euro